Verde

Dende o meu cuarto escoito como miña nai lle solta a chapa a meu pai. 19 anos escoitando a mesma serenata. Bueno, minto. Ao principio miña nai quedaba intranquila cada vez que meu pai saía; e cando volvía ía preocuparse por se tivera problemas, se estaba ben... Nunca preguntaba se conseguira vender. Despois pasou a correr á porta cada vez que chegaba e celebraban xuntos as ganacias de meu pai, sen importar a cantidade. Logo todo comezou a ir mal. Meu pai non vendía. O gran boom que dera a súa carreira de camello acabara e cada vez era máis duro traer cartos á casa. Entón meu pai comezou a consumir, non é adicto pero de vez en cando "cata" o material. Miña nai vaino buscar á porta de moi mala hostia e todas as semanas se produce unha mini batalla campal no salón. Despois miña nai, a mesma nai que le recrimina a meu pai que se drogue, métese un chute de heroina e acábase o conto.
No medio desta película atópome eu, con pais pero orfo. No seo desta familia desesructurada comecei a consumir do material familiar, sobre todo para evadirme cando comezan as pelexas dos meus proxenitores. Hoxe diríxome ao caixón da mesiña de noite e unicamente topo unha pastilla verde. Tómoa e vou á cociña por un vaso de auga. Cando saio acércome ao salón e vexo a miña nai convertida nun basilisco (non metafóricamente, non, unha serpe tremenda) e meu pai é un oso (pero grande, dos que fan que te cagues). Comezan a gruñime e veñen cara min. Do outro lado do salón a fiestra está aberta. Vivimos nun 5º, pero se Bardem poido en "Mar adentro", eu tamén. Comezo a correr cara a miña escapatoria e salto. Por fin libre.



Drogas alucinóxenas ou psicodislépticas:
Son sustancias que causan alteracións profundas na percepción da realidade do usuario. Que ven querendo dicir que causan alucinacións, como o seu nome indica.  Baixo a súa influencia a xente ve, oe e sinte cousas que parecen reales pero non existen.
Os alucinóxenos actúan interrumpindo tanto a comunicación entre neuronas,  como a actividade do neurotransmisor serotonina. Este neurotransmisor distribúese polo sistema nervioso centrale está involucrado no control dos sitemas de conducta, percepción e regulación, incluíndo o estado de ánimo, a fame, a temperatura corporal, o comportamento sexual, o control muscular e a percepción sensorial.
Os efectos destas drogas van variar en función da dose e do contexto. Cando a experiencia é negativa fálase dunha "mala viaxe". Os síntomas dunha mala viaxe son angustia, depresión, alucinacións (por suposto, que non falten), culpabilidade, conducta agresiva con perda de control e risco de autolesión.
Polo xeral este tipo de drogas non xeran dependencia, pero si que poden asociarse con consecuéncias psíquicas que poden volverse permanentes e irreversibles.
Dentro das drogas alucinóxenas temos as setas (as famosísimas setas) que conteñen o alcaloide psilocibina,  fenciclidina (tamén usada no pasado como anestésico), MDMA,  o peyote (debido ao alcaloide mescalina) e, como non, o LSD.